Programs Dhim Tarikida Thom

എഴുത്തോ നിന്റെ കഴുത്തോ?

വര്‍ഗീയത, പ്രകൃതിയില്‍ നിന്നുള്ള വ്യതിയാനമായതിനാല്‍ അത് നിലനില്‍ക്കില്ലെന്നും അതിനെതിരെ ശക്തമായി പൊരുതണമെന്നും മന്ത്രി ജി സുധാകരന്‍ പറയുന്നു. മാതൃഭൂമി ആഴ്ചപതിപ്പില്‍ പ്രസിദ്ധീകരിച്ചിരുന്ന മീശ എന്ന നോവലിനെതിരെ ഒരുവിഭാഗത്തിന്റെ എതിര്‍പ്പ് ഉയരുകയും നവമാധ്യമങ്ങളിലൂടെ ചിലര്‍ നോവലിസ്റ്റിനെ വേട്ടയാടുകയും ചെയ്തപ്പോഴാണ് മന്ത്രി ഇത് പറഞ്ഞത്. പക്ഷേ നോവലിസ്റ്റിന് ഇത്തരം സമ്മര്‍ദ്ദങ്ങള്‍ താങ്ങാന്‍ കഴിയാതെ എഴുത്ത് അവസാനിപ്പിക്കേണ്ടി വന്നു. എഴുത്തിനേക്കാള്‍ ഭേദം തന്റെ സമാധാനപരമായ ജീവിതമാണെന്ന് ആ പാവത്തിന് പറയേണ്ടി വന്നു. അങ്ങനെ ഉത്തരേന്ത്യന്‍ മോഡല്‍ ഫാസിസം വലത്കാല്‍ വെച്ച് ഇടത് സര്‍ക്കാര്‍ ഭരിക്കുന്ന കേരളത്തിലും എത്തി. ലഞ്ജിക്കുക കേരളമേ, നന്നായി ലഞ്ജിക്കുക. അപ്പോ ധിം തരികിട തോമിന്റെ മീശ ആരംഭിക്കയാണ്. ധിം തരികിട തോം, എപ്പിസോഡ്: 284.

Anchor: Marshal Sebastian