News Crime

ശിവശങ്കരനെ വിട്ടയച്ചു; നാളെ ചോദ്യം ചെയ്യലിനായി വീണ്ടും ഹാജരാകണം

കൊച്ചി: സ്വര്‍ണക്കടത്ത് കേസില്‍ മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം. ശിവശങ്കറിനെ ഒമ്പത് മണിക്കൂര്‍ നേരത്തെ ചോദ്യംചെയ്യലിനു ശേഷം ഇന്ന്വിട്ടയച്ചു. ചോദ്യംചെയ്യല്‍ നാളെയും തുടരും. കൊച്ചിയിലെ എന്‍.ഐ.എ ഓഫീസില്‍ നടന്ന ചോദ്യം ചെയ്യലിനൊടുവിലാണ് ശിവശങ്കറിനെ ഇന്ന് വിട്ടയച്ചത്. തിരുവന്തപുരത്ത് നിന്ന് ഇന്ന് രാവിലെ 9.30 ഓടെയാണ് ശിവശങ്കര്‍ കൊച്ചിയിലെ എന്‍.ഐ.എ ഓഫീസിലെത്തിയത്. ചോദ്യം ചെയ്യല്‍ രാത്രി ഏഴ് മണിവരെ നീണ്ടുനിന്നു. എന്‍.ഐ.എ. കൊച്ചി യൂണിറ്റിനൊപ്പം ഡല്‍ഹി, ഹൈദരാബാദ് എന്നിവിടങ്ങളില്‍നിന്നെത്തിയ ഉദ്യോഗസ്ഥരും അടങ്ങിയ പ്രത്യേക സംഘമാണ് ശിവശങ്കറിനെ ചോദ്യംചെയ്തത്. 56 ചോദ്യങ്ങള്‍ അന്വേഷണസംഘം തയ്യാറാക്കിയിരുന്നു എന്നാണ് റിപ്പോര്‍ട്ട്. നേരത്തെ തിരുവനന്തപുരത്തുവെച്ചും എന്‍.ഐ.എ ശിവശങ്കറെ ചോദ്യംചെയ്തിരുന്നു. അന്ന് അഞ്ച് മണിക്കൂറാണ് ചോദ്യം ചെയ്തത്.