Pinarayi mass murder: Accused Soumya hangs inside jail
കണ്ണൂര്: പിണറായിയില് അച്ഛനേയും അമ്മയേയും മകളേയും കൊലപ്പെടുത്തിയ കേസിലെ പ്രതി സൗമ്യയെ സബ് ജയിലില് തൂങ്ങിമരിച്ച നിലയില് കണ്ടെത്തി. കണ്ണൂര് വനിതാ സബ് ജയിലില് രാവിലെ 10 മണിയോടെയാണ് സൗമ്യയെ മരിച്ച നിലയില് കണ്ടെത്തിയത്. ജയില് പരിസരത്തെ കശുമാവില് തൂങ്ങിനില്ക്കുന്ന നിലയിലാണ് മൃതദേഹം കണ്ടെത്തിയത്. അച്ഛന് കുഞ്ഞിക്കണ്ണന്, അമ്മ കമല, മകള് ഐശ്വര്യ എന്നിവരെ കൊലപ്പെടുത്തിയെന്നാണ് കേസ്. നാട്ടുകാര് മരണത്തില് സംശയം ഉന്നയിച്ചതോടെ നടത്തിയ അന്വേഷണമാണ് മനസാക്ഷിയെ ഞെട്ടിക്കുന്ന കൊലപാതക പരമ്പര വെളിച്ചത്തുകൊണ്ടുവന്നത്.
