ഇറാൻ വിമാനങ്ങൾക്ക് യുഎഇയിൽ സമ്പൂർണ്ണ വിലക്ക്; പശ്ചിമേഷ്യയിൽ ആശങ്ക പുകയുന്നു കാണാം ഗൾഫ് ന്യൂസ്

പശ്ചിമേഷ്യയിൽ യുദ്ധഭീതിയും സംഘർഷാന്തരീക്ഷവും നിലനിൽക്കെ ഇറാൻ വിമാനങ്ങൾക്ക് യുഎഇ സമ്പൂർണ്ണ സർവീസ് വിലക്ക് ഏർപ്പെടുത്തി. ഇറാനിൽ നിന്നുള്ള വിമാനങ്ങൾ യുഎഇയിലേക്ക് വരുന്നതിനും യുഎഇയിൽ നിന്ന് ഇറാനിലേക്ക് പോകുന്നതിനും അനിശ്ചിതകാല നിരോധനമാണ് ഏർപ്പെടുത്തിയിട്ടുള്ളത്. അമേരിക്ക ഏർപ്പെടുത്തിയ ഉപരോധങ്ങളുടെ ഭാഗമായാണ് നടപടിയെന്ന് യുഎഇ വ്യോമയാന മന്ത്രാലയം വ്യക്തമാക്കി. ഇറാൻ്റെ മില്ലി വാണിജ്യ ബാങ്കിൻ്റെ ശാഖകൾ പ്രവർത്തിക്കുന്നതിനും യുഎഇ നേരത്തെ വിലക്കേർപ്പെടുത്തിയിരുന്നു. ഇതിനിടെ, അമേരിക്കൻ ആക്രമണം തുടർന്നാൽ ഇന്ത്യൻ മഹാസമുദ്രത്തിലേക്ക് വരെ യുദ്ധം വ്യാപിപ്പിക്കുമെന്ന് ഇറാൻ്റെ പരമോന്നത നേതാവിൻ്റെ ഉപദേഷ്ടാവ് മുന്നറിയിപ്പ് നൽകി. മറ്റൊരു സംഭവത്തിൽ, സൗദി അറേബ്യയിലെ തായിഫ്, യൻബു മേഖലകളെ ലക്ഷ്യമിട്ട് ഹൂതി മിലീഷ്യ വിക്ഷേപിച്ച ആറ് ബാലിസ്റ്റിക് മിസൈലുകൾ സൗദി വ്യോമപ്രതിരോധ സേന തകർത്തു. സ്കൂൾ വിദ്യാർത്ഥികൾക്കിടയിലെ പകർച്ചപ്പനി തടയാൻ യുഎഇ ആരോഗ്യ മന്ത്രാലയം കർശന നിർദ്ദേശങ്ങൾ പുറപ്പെടുവിച്ചു. പ്രവാസി സംഘടനകളുടെ ഇടപെടലുകൾ, ഒമാനിലെ നിയമനടപടികൾ, എയർ ഇന്ത്യ എക്സ്പ്രസിന് ലഭിച്ച അന്താരാഷ്ട്ര അംഗീകാരം, ജിദ്ദയിലെ ഡി.കെ.ഐ.സി.സി വാർഷിക സമ്മേളനം, സൗദിയിലുണ്ടായ വാഹനാപകടത്തിൽ മലയാളി യുവാവ് മരണപ്പെട്ട സംഭവം എന്നിവയും റിപ്പോർട്ടിൽ ഉൾപ്പെടുന്നു.

Content Highlights: ഇറാൻ വിമാനങ്ങൾക്ക് യുഎഇയിൽ വിലക്ക്