സൗദി അറേബ്യയിലേക്ക് ഹൂതി വിമതർ വ്യാപക മിസൈൽ ആക്രമണം നടത്തി. റിയാദിലെ കിങ് അബ്ദുള്ള ഫിനാൻഷ്യൽ ഡിസ്ട്രിക്റ്റിൽ ഉണ്ടായ ആക്രമണത്തിൽ പ്രമുഖ എണ്ണക്കമ്പനിയായ അരാംകോയുടെ കെട്ടിടത്തിന് കേടുപാടുകൾ സംഭവിച്ചു. എത്തിയ രണ്ട് മിസൈലുകൾ സൗദി സഖ്യസേന തകർത്തെങ്കിലും അവശിഷ്ടങ്ങൾ വീണാണ് നാശനഷ്ടമുണ്ടായത്. ഇതിനിടെ തെക്കൻ ഇറാനിലെ നാല് തന്ത്രപ്രധാന മേഖലകളിൽ അമേരിക്ക ആക്രമണം നടത്തിയതായി റിപ്പോർട്ടുകൾ വ്യക്തമാക്കുന്നു. ഹോർമുസ് കടലിടുക്കിൽ ചരക്ക് കപ്പലുകൾക്ക് നേരെയും ആക്രമണമുണ്ടായി. ഒമാൻ തീരത്ത് ആക്രമിക്കപ്പെട്ട ചരക്കുകപ്പലിൽ ഉണ്ടായിരുന്ന ഇരുപത്തിരണ്ട് നാവികരെ യുഎഇ രക്ഷാസേന രക്ഷപ്പെടുത്തി. എൻഎംസി ഹെൽത്ത് കെയർ സാമ്പത്തിക തട്ടിപ്പ് കേസിൽ സ്ഥാപകൻ ബി ആർ ഷെട്ടിയും മുൻ സിഇഒയും കുറ്റക്കാരാണെന്ന് അബുദാബി കോടതി വിധിച്ചു. ഇരുവരും ചേർന്ന് അഞ്ഞൂറ്റി നാൽപ്പത് കോടി ഡോളർ നഷ്ടപരിഹാരം നൽകണമെന്നാണ് കോടതി ഉത്തരവ്. ദുബായിൽ ഗതാഗതക്കുരുക്കിന് പരിഹാരമായി അൽ ഖലീജ് പുതിയ തുരങ്കപാത തുറന്നു. ഷാർജ അന്താരാഷ്ട്ര പുസ്തകോത്സവത്തിൽ മലയാള പുസ്തകങ്ങൾക്ക് മികച്ച പ്രതികരണമാണ് ലഭിക്കുന്നത്. ഇസ്രയേലിൽ സർക്കാർ രൂപീകരിക്കാൻ പുതിയ നീക്കങ്ങൾ പുരോഗമിക്കുകയാണ്.

To advertise here,