കാട്ടാക്കടയിൽ ക്രൂരത: ബഡ്സ്കൂൾ വിദ്യാർത്ഥിയുടെ കൈ സിഗരറ്റ് കൊണ്ട് പൊള്ളിച്ചു

തിരുവനന്തപുരം കാട്ടാക്കടയിൽ ബഡ്സ്കൂൾ വിദ്യാർത്ഥിക്ക് നേരെ ക്രൂരമായ അതിക്രമം. സ്കൂൾ വിട്ട് വീട്ടിലേക്ക് മടങ്ങുകയായിരുന്ന കുട്ടിയെ മൂന്നംഗ മദ്യപസംഘം തടഞ്ഞുനിർത്തി കൈയിൽ സിഗരറ്റ് കുറ്റി ഉപയോഗിച്ച് കുത്തിപ്പൊള്ളിക്കുകയായിരുന്നു. പരിക്കേറ്റ വിദ്യാർത്ഥിക്ക് ആശുപത്രിയിൽ വൈദ്യസഹായം ലഭ്യമാക്കി. പ്രതികളിൽ സുരേഷ്, ശരത്ത് എന്നീ രണ്ടുപേരെ വിദ്യാർത്ഥി തിരിച്ചറിഞ്ഞിട്ടുണ്ട്. സംഭവത്തിൽ കാട്ടാക്കട പോലീസ് കേസെടുത്ത് വിശദമായ അന്വേഷണം ആരംഭിച്ചു.