ചേര്ത്തല: ഫാദര് കുര്യാക്കോസ് കാട്ടുതറയുടെ സംസ്കാരച്ചടങ്ങുകള്ക്കെത്തിയ സിസ്റ്റര് അനുപമയ്ക്കെതിരെ ഒരു വിഭാഗം വിശ്വാസികളുടെ പ്രതിഷേധം. ചേര്ത്തല പള്ളിപ്പുറം സെന്റ്മേരീസ് പള്ളി പരിസരത്താണ് സംഭവം. വൈകിട്ട് നാലരയോടെയാണ് ഫാദര് കാട്ടുതറയുടെ സംസ്കാരച്ചടങ്ങുകള്ക്കായി സിസ്റ്റര് അനുപമ മറ്റ് ചില കന്യാസ്ത്രീകള്ക്കൊപ്പം എത്തിയത്. പള്ളിമുറ്റത്ത് വച്ച് മാധ്യമങ്ങളോട് സംസാരിക്കാന് തുടങ്ങുമ്പോഴാണ് ഒരുവിഭാഗം ജനങ്ങള് അവരെ തടയുകയും പ്രതിഷേധിക്കുകയും ചെയ്തത്.പള്ളിയുടെ ഗേറ്റിന് ഉള്ളില് വച്ച് മാധ്യമപ്രവര്ത്തകരോട് സംസാരിക്കാന് അനുവദിക്കില്ലെന്ന് അവര് ഉറപ്പിച്ചു പറഞ്ഞതോടെ അനുപമ കരഞ്ഞുകൊണ്ട് ഇറങ്ങിപ്പോരികയായിരുന്നു.
To advertise here,
Content Highlights: Protest Against Sr Anupama At Fr Kuriakose's Funeral

