തിരുവനന്തപുരം ജില്ലയിലെ പാലോട് തണ്ണിച്ചാലിൽ പ്രവർത്തിക്കുന്ന വൈശാഖ് ഗാർഡൻസിലെ ഡ്രാഗൺ ഫ്രൂട്ട് കൃഷിയെയും മൂല്യവർധിത ഉത്പന്ന നിർമ്മാണത്തെയും പരിചയപ്പെടുത്തുന്നു. നേവിയിലെ ജോലിയിൽ നിന്ന് വിരമിച്ച ശേഷം കൃഷിയിലേക്ക് തിരിഞ്ഞ വിജയേട്ടന്റെ നേതൃത്വത്തിലാണ് മുപ്പത് ഏക്കറോളം വരുന്ന തോട്ടത്തിൽ ഡ്രാഗൺ ഫ്രൂട്ട്, റംബൂട്ടാൻ, അബിയു, മാംഗോസ്റ്റിൻ തുടങ്ങിയ വിദേശ പഴവർഗ്ഗങ്ങൾ കൃഷി ചെയ്യുന്നത്. ഡ്രാഗൺ ഫ്രൂട്ടിന്റെ ആയുസ്സ് കുറവായതിനാൽ വിളവെടുപ്പ് കഴിഞ്ഞാൽ ഉൽപ്പന്നങ്ങൾ കേടുകൂടാതെ വിപണിയിലെത്തിക്കാൻ ഡ്രയർ ഉപയോഗിച്ച് ഉണക്കി സൂക്ഷിക്കുന്ന രീതി വിജയകരമായി നടപ്പാക്കുന്നു. ഒരു വർഷത്തോളം കേടുകൂടാതെ സൂക്ഷിക്കാവുന്ന ഡ്രൈഡ് ഡ്രാഗൺ ഫ്രൂട്ട് കഷ്ണങ്ങൾ, പഴുത്ത ചക്ക ഉണക്കിയത്, മധുരക്കിഴങ്ങ് പൊടി, മുരിങ്ങയില ഉണക്കിയത് എന്നിവയും ഇവിടെ തയ്യാറാക്കുന്നുണ്ട്. ഫാമിൽ ഉത്പാദിപ്പിക്കുന്ന പഴങ്ങൾ ഉപയോഗിച്ച് പ്രോബയോട്ടിക് ഹെൽത്ത് ഡ്രിങ്കായ കൊമ്പൂച്ച ഉൾപ്പെടെയുള്ള വൈവിധ്യമാർന്ന മൂല്യവർധിത ഉൽപ്പന്നങ്ങൾ വിപണിയിലെത്തിച്ച് കാർഷികരംഗത്ത് മികച്ച മാതൃക സൃഷ്ടിക്കുകയാണ് ഈ കർഷക കുടുംബം.

#DragonFruit #KeralaFarming #ExoticFruits #KrishiBhoomi #ValueAddedProducts #Palode #AgricultureKerala #FruitProcessing #Kombucha #FarmSuccess