മെഗാ പ്രോജക്ട് സ്റ്റാറ്റസ് നൽകിയാണ് കിറ്റക്സിനെ വാറങ്കലിലെത്തിക്കാൻ തെലങ്കാന സർക്കാർ രംഗത്തിറങ്ങിയത്. കക്കാതിയ മെഗാപാർക്കിൽ വൻകിട തുണിവ്യവസായത്തെ എത്തിക്കുകയെന്നത് തെലങ്കാനയുടെയും ആവശ്യമാണ്.മുടക്കുമുതലിന്റെ പലിശയ്ക്കുളള റിബേറ്റും സബ്സിഡിയും ചേരുമ്പോൾ,തെലങ്കാനയിൽ വ്യവസായത്തിന് പറയത്തക്ക മുടക്കുമുതൽ വേണ്ടിവരുന്നില്ലന്നതാണ് വ്യവസായികളുടെ ആകർഷണം. പത്തുവർഷത്തേക്ക് ഒറ്റലൈസൻസാണ് തെലങ്കാന നൽകുന്നത്.